Tōmå ♥

ميدالية مفاتيح بابا كان جايبهالي هدية من سنتين :)

.. حُضن بابا و هو مسافر

ماما دايماً تقولي “مش هتلاقوا حد يحبكم و يخاف عليكم و على مصلحتكم زيي أنا و باباكم” .. ساعات بفضل أقول لنفسي - بعقلية صغيرة مراهقة أوي - طب أنا عاوزة أعمل كذا و هم مش مخلييني ليه ما دام بيحبوني فعلاً ؟

الجملة دي ماما بتقولها لما يبقى فيه بيني و بين بابا مشكلة .. بس بسياق مختلف شوية .. “باباكي بيحبك .. ده إنتوا لو محتاجين عيونه مش هيتأخر لحظة يديهالكم .. هو بس مش بيعرف يظهر حبه و خوفه عليكم بطريقة كويسة .. بس كل الزعيق و الخناقات إللي بينكم دي خوف عليكي منه صدقيني” .. مع إني مختلفة معاها في موضوع طريقة إظهار الحب بس أنا مصدقة كُل كلامها .. مصدقاه من زمان أوي

لما كان عندي حوالي 10-11 سنة .. كان وقت صلاة العشاء جاه و في نفس الوقت كانت ماما بتجهزلنا العشاء علشان ناكل كلنا مع بعض
رحتلها المطبخ قلتلها يلا يا ماما أنا جعانة أوي .. ردت عليا بـ “صلي العشاء الأول و بعدين كُلي” .. قلتلها هبقى أصليه لما أخلص و بتاع .. و في الآخر إنتهى الأمر إن ماما زعقتلي و حلفت إني هصلي قبل الأكل .. ساعتها كـ طفلة فضلت متضايقة جامد - خصوصاً إن إخواتي كانوا لسة مش صلوا و ماما مش قالتلهم حاجة زي ما قالتلي - و قلت إن ماما مش بتحبني علشان كدة بتزعقلي و بتاع بس رحت صليت و أنا مش ليا نفس و حتى صليت بسرعة جداً

و إحنا قاعدين نتعشى كلنا .. جيت آكل زيتونة فـ فلتت من صوابعي و نزلت كلها وقفت في زوري - الزيتونة كانت في حجم بلية من الكُبار أوي - .. كلهم إتخضوا طبعاً لما لقوني مش عارفة أتنفس بتاتاً و وشي بقى أزرق .. ماما ساعتها قامت مفزوعة و جابت حاجة أشربها - غالباً كانت ميرندا أو مشروب غازي يعني - و فعلاً الزيتونة مش نزلت غير بالميرندا

نفس الليلة كنت نايمة في حضن ماما علشان الخضة .. ساعتها ماما قالتلي حاجة هي إللي مخلياني مصدقة كلامها إللي في أول البوست .. قالتلي “الأُم لو هيحصل حاجة لإبنها بتبقى حاسة من قبلها .. لما إتضايقتي علشان قلتلك صلي قبل ما تاكلي كان علشان حسيت إن فيه حاجة غلط .. حاجة ممكن تؤذيكي و أنا مش قادرة أحدد نوع الأذى إيه بالظبط .. بس مهما كان فـ قربك من ربنا و علاقتك بيه هي إللي هتساعدك وقتها .. مش عاوزاكي تزعلي مني علشان زعقتلك ده كان علشان مصلحتك” .. كـ طفلة صدقت الكلام علشان من ماما و فضلت مقتنعة طول عمري بيه

دلوقتي كُل ما أتضايق من حاجة بابا أو ماما قالوهالي أو أجبروني عليها أو منعوها عني .. بفتكر الموقف ده .. و بفتكر كلام ماما .. بصدق إن بابا فعلاً بيحبني بس علشان يحميني من حاجة أضرارها أكثر عليا .. بيضطر يمنعها عني بالخناق

ممكن أنا بعقل أكثر .. و ممكن علشان كلامهم هو إللي دايماً صح و الحاجة إللي بعند فيها بتؤذيني بعد كدة فـ سلمت لكلام ماما
بس في الحالتين أنا بقيت مرتاحة و متعايشة مع الوضع كويس جداً

* و بعيداً عن الموضوع الأولاني .. أنا مبسوطة نملة إني عرفت أصيغ فكرة من أفكاري أخيراً

.أنا بحبكم

تزاحم الأفكار جوة و عدم القدرة على صياغتهم بـ 28 حرف
حاجة مش لطيفة خالص

بقالي فترة فيه حاجات كثير عاوزة أكتبها .. أفكار كثير جداً
مش عارفة إنشغالي بالمدرسة هو إللي واخدني من محاولة كتباتهم
و ألا أنا فعلاً فاقدة القدرة بشكل مؤقت على صياغة إللي جوايا

يا رب أعرف أكتب تاني قريب .. علشان كدة كثير
:}

Anonymous asked: ربنا يفرحك ويسعدك :)

ولكَ/لكِ مثله يا رب

الدنيا مطرت و أنا بقولها يا أنونـ/ـة :)
حظك حلو

Anonymous asked: بلدك بعيدة يا عنب والغربة خطفت لونك هو الفراق انكتب ولا الزمان بيخونك

رحّال أنا و ناسي مرسايا في الملكوت
الدمع ونّاسي و الوحدة تقلب موت
…

و على فكرة .. الغُربة خطفت لوني فعلاً يا أنونـ/ـة
!

“عارف يا سعيد؟ لما هاجرنا أميركا كنت بأقعد أتحايل على أبويا إن إحنا نيجي مصر هنا في العيد، بس هو علشان يصبرني كان بيديني العيدية هناك. لحد بقى ما جاه عيد من العيدات، نسي، عرفت بقى وقتها إن إحنا مش هنيجي مصر تاني أبداً. حتى العيدية إللي هو كان بيديهاني هناك ما كانش ليها طعم، زي العيدية كدة إللي إديتهاني أمك و إحنا فوق. إوعي يا سعيد تبطل تاخد عيدية من أمك مهما كبرت.”

- عسل إسود

Anonymous asked: بقري حاجة دلوقتي؟ لو اه بتقري ايه؟ :)

في اللحظة دي لا
بس الأيام دي بقرأ أيوة
Diamonds in the rough بقرأ قصة إسمها
بتحكي عن 3 بنات مامتهم توفت و خالهم بيحاول يتبناهم بعد كدة

In the name of honor: Mukhtar Mai و بقرأ برضو
ده عبارة عن مذكرات بنت باكستانية إسمها مختار مي من قبيلة تعتبر من الأقلية في باكستان
بتحكي فيه إزاي تم إغتصابها - بمعرفة أهلها - من قِبَل 3 من رجال قبيلة أقوى
كـ عقاب ليهم و “لشرفهم” علشان أخوها الصغير كلم بنت من القبيلة القوية دي

لسة مش خلصت الكتابين
بس الإثنين حلوين جداً لو ناويـ/ـة تقرأ/ي حاجة
:}

Anonymous asked: ازيك يا زتونة :) ؟

أنا مش كان بيقولي زيتونة/زتونة غير حد واحد
أعرف إن الشخص ده عنده تمبلر .. بس لا أنا و لا هو عارفين لينكات بعض
لو إنت الشخص ده فـ قُلي :))

و أنا الحمد لله يا أنونـ/ـة .. إنتـ/ـي إزيك ؟ :)